Қос дипломды білім беру бағдарламаларына қабылдау тәртібі
Бағдарлама мақсаты
Пекин тіл және мәдениет университетімен (BLCU) бірлескен қос дипломды білім беру бағдарламаларына (ҚД ББ) қабылдау тәртібі
Республикалық бюджет қаражаты есебінен жоғары білім беру гранты конкурсына қатысу және (немесе) білім беру бағдарламалары бойынша ақылы негізде оқуға қабылдану үшін:
- 6В01711 – Ағылшын және қытай тілі (В018 (KZ-CHN-185)),
- 6B02303 – Аударма ісі: қытай тілі (В036 (KZ-CHN-185))
келесі талаптарға сай үміткерлер қатыса алады: - жалпы орта, техникалық және кәсіптік немесе орта білімнен кейінгі білімі барлар;
- ҰБТ нәтижелері келесідей болуы тиіс:
• 55 балл — Аударма ісі: қытай тілі (В036 (KZ-CHN-185));
• 75 балл — «Педагогикалық ғылымдар» бағыты бойынша, Ағылшын және қытай тілі (В018 (KZ-CHN-185));
• сонымен қатар: - Қазақстан тарихы және екі бейіндік пән бойынша — кемінде 5 балл,
- оқу сауаттылығы және математикалық сауаттылық бойынша — кемінде 3 балл.
ҰБТ-ны электрондық форматта тапсырған жағдайда, талап етілетін балл көрсеткіштері орындалса, екі нәтижеден бірін конкурсқа пайдалануға болады.
BLCU-пен бірлескен ҚД ББ бойынша қосымша талаптар:
- міндетті түрде HSK4 сертификатының болуы,
- немесе BLCU Kazakhstan профессоры жүргізетін сұхбаттан өту.
Сұхбат біздің университет базасында өткізіледі.
Сұхбат нәтижесі бойынша талапкерге ресми үзінді беріледі.
Қосымша емтихан мерзімдері:
- Грант конкурсына қатысу үшін — 20 маусым мен 12 шілде аралығы;
- Ақылы бөлімге түсу үшін — 21 шілде мен 20 тамыз аралығы.
Қосымша емтиханға қатысуға өтініш талап етілетін баллдарға сәйкес беріледі.
Маңызды ескерту:
Республикалық бюджет есебінен жоғары білім грантын тағайындау конкурсына қатысу үшін BLCU-пен бірлескен ҚД ББ бойынша құжаттар тек Astana International University арқылы қабылданады.